فال الجزائر المجرب

لازم وحدة عزباء هي اللي تفتل و تفورو التفويرة الاولى و ترفدو سخون و هي عاطيا بالظهر يعني كي تحب ترفدو ما تشوفش ليه و من بعد تربطو في حوايجها و تخليه مربوط حتى الليل و من بعد تجيب 7 مفاتيح و كي تنقص الحركة في الليل تحط الكسكس في طبسيل و تخلط معاه المفاتيح السبعة و قبل ما تخرج للسطح او الشرفة ب 5 دقائق توقف عند الباب و تقول يا اصحاب الفال احضرو نعطيكم عشاكم و عطوني فالي و من بعد تخرج و ترمي الكسكس في اربع جهات و هي تقول يا فال يا فلفال يا مفتاح سبع قفال اذا بالخير عجل و اذا بالشر اجل على فلانة بنت فلانة ولا اي حاجة اللي تحبو تقولوها حتى يخلاص الكسكس و من بعد دخلو ترقدو عادي و ملاحظة عنداكو تتقلقو و تدخلو بلا ما تسمعو على خاطر صحاب الفال يكونو حاضرين يعني حتى تكملو و تسمعو فالكم