وصفه الميلود

سم الله الرحمن الرحيم
بسم الله بديت و على الحبيب المصطفى صليت نطلب ربي الفتاح يعطيني مفتاح نحل بيه البيبان المقفلة عليا و عليكم و امة محمد تستراح .

( قولوا امين )
اول وصفة /
صبيحة المولد النبوي الشريف رشي عتبة بيتكم بالماء و ماء زهر او ماء ورد و شوية سكر .
ثاني وصفة /
عند الاستحمام استحمي بصابونة جديدة و قولي ( هيا يا صافي يا وافي زلق خيار الذكورة او خيار البنات في طريقي بجاه الله و نبيه رسول الله )و تلك الصابونة ارميها عند عتبة منزلكم في وقت المغرب
ثالث وصفة /
البسي احسن الثياب و قولي ( لبست جديد في جديد نطلب من ربي و نزيد يجيبلي زهري و يعطيني قد نيتي بجاه حبيبنا الرسول )
رابع وصفة /
كحلي عينيك و قولي ( كحلي من حجر و مرودي من شجر الي يلمحني كلي شاف الشمس و القمر )
خامس وصفة /
امسحي وجهك بشوية ماء زهر و تقولي ( مسحت على وجهي حب الزهر انا نحلة في عين الانثى و الذكر و انجي بين حبيبي ف ولد فلانة كي القمر ايروح ليا و لو يكون في الشام او في البحر )
سادس وصفة /
الي عندها شيء مخبي لاجل الزواج مثل خمار او فستان تعلقه على حبل الغسيل ليبات للنجوم مع نية الزواج
سابع وصفة /
عند اشعالك للشموع تقولي ( شعلت شمعة لربي و شمعة للنبي و شمعة لزهري العام هذا في دار بابا و انشاء الله العام الجاي في داري نكون نوارة زاهية و ورايا ذراري )
ثامن وصفة /
من الاحسن تبيليها في صحن جديد ابيض و تقولي ( حنة يا حنينة يامعطرة بروايح الجنة جيتي في السيرة و السنة لي هبل يداوي بيك يرتاح و يتهنى )و طبعا انويها على حبيب القلب و من الاحسن تحطي فيها شوية سكر و قطرة ماء زهر و قطرة من عطرك .و اربطيها بشيء منديل جديد وردي اللون و في الغد عند نزعها حطيها في ذاك المنديل و خبيها في ملابس الي انت مخبيتهم للزواج او حطيها في شيء مغروس اخضر .
تاسع وصفة /
عند اشعالك اي بخور قولي ( بخوري فاح شق السماء و راح خرجولي زوج من الصلاح قالولي انوي واش تحبي يا بنت الحلال باذن الله حاجتك مقضية انت انوي و خرجي الوعدة نهار الخميس ولا الجمعة لعشية )
عاشر وصفة /
عندما تريدي النوم ليلا اقرئي شوية قران و صلي على الحبيب المصطفى قدر المستطاع و صلي ركعتين و انوي حاجة في قلبك و نامي دون ان تكلمي احد و لا تخبري اي احد بما نويتي و لا تنسي تحطي تحت وسادتك سبع حبات سكر في الصباح كوليهم وحدة وراء اختها .